Saturday 26 November 2011

ಲೈಂಗಿಕ ಕ್ರಿಯಾ ಕೌಶಲ್ಯಗಳು




ನಾಳೆ ಅಂದರೆ ನವೆಂಬರ್ ೨೭ರಂದು ಬೆಳಿಗ್ಗೆ  ಹತ್ತೂವರೆಗೆ ಮೈಸೂರು ರಸ್ತೆಯ ನಾಯಂಡ ಹಳ್ಳಿಯಲ್ಲಿರುವ ’ಸ್ಪಂದನ’ ಆಸ್ಪತ್ರೆ ಆವರಣದಲ್ಲಿ ’ಲೈಂಗಿಕ ಕ್ರಿಯಾ ಕೌಶಲ್ಯಗಳು’ ಎಂಬ ವಿಷಯದ ಬಗ್ಗೆ ಉಪನ್ಯಾಸವನ್ನು ಏರ್ಪಡಿಸಲಾಗಿದೆ.

ಹಿರಿಯ ವೈದ್ಯ ಸಾಹಿತಿ ಡಾ. ವಸಂತ ಅ.ಕುಲಕರ್ಣಿ, ಎಂ.ಡಿಯವರು ಉಪನ್ಯಾಸವನ್ನು ನೀಡಲಿದ್ದಾರೆ.
ಇದೇ ಸಂದರ್ಭದಲ್ಲಿ ಡಾ. ಬಿ.ಜಿ ಚಂದ್ರಶೇಖರ್,ಎಂ.ಡಿಯವರು ಬರೆದ’ ಲೈಂಗಿಕ ವೈದ್ಯಶಾಸ್ತ್ರ ಮತ್ತು ಎನ್.ವಿಶ್ವರೂಪಾಚಾರ್ ಬರೆದ ಸೆಕ್ಸ್ ಅಂಡ್ ಕೈಮ್ ಹಾಗು ’ದಂಪತಿಗಾಗಿ ಕಾಮೋತ್ತೇಜಕಗಳು ಎಂಬ ಪುಸ್ತಕಗಳು ಬಿಡುಗಡೆಗೊಳ್ಳಲಿವೆ.

ಕರ್ನಾಟಕ ಲೈಂಗಿಕ ಆರೋಗ್ಯ ಶಿಕ್ಷಕರು ಮತ್ತು ಆಪ್ತ ಸಲಹೆಗಾರರ ವೇದಿಕೆ ಈ ಉಪನ್ಯಾಸ ಮತ್ತು ಪುಸ್ತಕ ಬಿಡುಗಡೆ ಕಾರ್ಯಕ್ರಮವನ್ನು ಏರ್ಪಡಿಸಿದೆ.
ಈ ವೇದಿಕೆಯು ಏರ್ಪಡಿಸುತ್ತಿರುವ ಚೊಚ್ಚಲ ಕಾರ್ಯಕ್ರಮವಿದು.  ಇದೇ ವರ್ಷ ಅಗಸ್ಟ್ ೧೪ ರಂದು ಈ ವೇದಿಕೆ ಅಸ್ತಿತ್ವಕ್ಕೆ ಬಂದಿದೆ. ಕರ್ನಾಟಕದ ವೈದ್ಯಕೀಯ ಇತಿಹಾಸದಲ್ಲೇ ಇದು ಹೊಸ ಪ್ರಯೋಗ.
ಆಪ್ತ ಸಲಹೆಗಾರರು [counselors] ಈಗ ಎಲ್ಲಾ ಕ್ಷೇತ್ರಗಳಲ್ಲೂ ಇದ್ದಾರೆ. ಆದರೆ ಲೈಂಗಿಕ ಕ್ಷೇತ್ರದಲ್ಲಿ ಅವರ ಕೊರತೆಯಿತ್ತು. ಹಾಗೆ ನೋಡಿದರೆ ಆಪ್ತ ಸಲಹೆಯ ಸೇವೆ ಈ ಕ್ಷೇತ್ರಕ್ಕೆ ಹೆಚ್ಚಾಗಿ ಬೇಕಾಗಿತ್ತು. ಯಾಕೆಂದರೆ ಸೆಕ್ಸ್ ಎನ್ನುವುದೇ ಮನಸ್ಸಿಗೆ ಸಂಬಂಧಪಟ್ಟದ್ದು. ಅದನ್ನು ಮನೋವಿಜ್ನಾನಿ ಪ್ರಾಯ್ಡ್ ಒತ್ತಿ ಹೇಳಿದ್ದಾನೆ.

ರೂಢಿಯಲ್ಲಿ ನಾವು ಆರೋಗ್ಯವೇ ಭಾಗ್ಯ ಅನ್ನುತ್ತೇವೆ. ಹಾಗಾದರೆ ಆರೋಗ್ಯ ಅಂದರೇನು? ರೋಗರಹಿತವಾದ ದೇಹಕ್ಕೆ ನಾವು ಆರೋಗ್ಯದಲ್ಲಿ ಶರೀರ ಎನ್ನುತ್ತೇವೆ. ಅದಷ್ಟೇ ಆರೋಗ್ಯವೇ? ಅಲ್ಲ. ಆರೋಗ್ಯದಲ್ಲಿ ಮೂರು ವಿಧ. ದೈಹಿಕ ಆರೋಗ್ಯ, ಮಾನಸಿಕ ಆರೋಗ್ಯ ಮತ್ತು ಲೈಂಗಿಕ ಆರೋಗ್ಯ. ದೈಹಿಕ ಆರೋಗ್ಯದಲ್ಲಿ ಏರುಪೇರು ಉಂಟಾದಾಗ, ಜ್ವರ, ನೆಗಡಿ, ತಲೆನೋವು, ಆಯಾಸ ಮುಂತಾದ ರೋಗಲಕ್ಷಣಗಳು ಕಾಣಿಸಿಕೊಂಡರೆ ವೈದ್ಯರ ಬಳಿ ಹೋಗುತ್ತಾರೆ. ಇದೊಂದು ಸಾಮಾನ್ಯ ಪ್ರಕ್ರಿಯೆ. ಹಾಗೆಯೇ ಖಿನ್ನತೆ, ಉನ್ಮಾದದಂಥ ಮಾನಸಿಕ ಏರಿಳಿತಗಳು ಉಂಟಾದಾಗ ತಡವಾಗಿಯಾದರೂ ಮಾನಸಿಕ ತಜ್ನರನ್ನು ಭೇಟಿಯಾಗುತ್ತಾರೆ. ಆದರೆ ಲೈಂಗಿಕ ಸಮಸ್ಯೆಗಳು ತಲೆದೊರಿದಾಗ ಅದನ್ನು ಸಾಧ್ಯವಾದಷ್ಟು ಮುಚ್ಚಿಟ್ಟುಕೊಳ್ಳಲು ನೋಡುತ್ತಾರೆ.ಇದಕ್ಕೆ ಕಾರಣ ನಮ್ಮ ಸಮಾಜದಲ್ಲಿ ಲೈಂಗಿಕತೆ ಬಗ್ಗೆ ಇರುವ ಮಡಿವಂತಿಕೆ.

ಇದನ್ನೆಲ್ಲಾ ಮನಗಂಡ ವೈದಕೀಯ ಕ್ಷೇತ್ರದ ಲೈಂಗಿಕ ತಜ್ನರ ತಂಡವೊಂದು, ವಿವಿಧ ಕ್ಷೇತ್ರದಲ್ಲಿ ಒಳ್ಳೆಯ ಹೆಸರನ್ನು ಪಡೆದುಕೊಂಡ ಅಸಕ್ತರ ತಂಡವೊಂದಕ್ಕೆ ಲೈಂಗಿಕ ಆಪ್ತ ಸಮಾಲೋಚನೆಯ ಬಗ್ಗೆ ತರಬೇತಿಯನ್ನು ನೀಡಿತು. ಆ ತಂಡವೀಗ ತನ್ನ ಮೊದಲ ಕಾರ್ಯಕ್ರಮವನ್ನು ನಾಳೆ ನಡೆಸುತ್ತಲಿದೆ.
ಸಾಧ್ಯವಾದರೆ ನೀವು ಸಹಾ ಭಾಗವಹಿಸಿ.


No comments:

Post a Comment